京士利高文拒拜仁新約　曼聯有機可乘

《英超刨績王》加強版，最強數據一網打盡：http://win.on.cc/football/　

據德國《踢球者》報道，拜仁慕尼黑近期向翼鋒京士利高文開出新約，不過被呢位法國國腳拒絕，目前談判陷入破裂狀態。德國媒體消息指，曼聯有意簽入呢位法國年輕翼鋒，甚至願意開出雙倍人工利誘佢加盟，或者成為京士利高文拒絕續約原因。

24歲嘅京士利高文同拜仁慕尼黑合約去到2023年，球會早前向佢開出一份到2026年嘅新約，但就意外遭到拒絕，雙方暫時都無意再作進一步談判，令京士利高文離隊機會提升。據報曼聯上年夏天已曾斟介京士利高文，不過當時佢冇打算轉會，消息指曼聯為得心頭好，願意將京士利高文850萬歐元年薪，加接近1倍至1,560萬歐元。

拜仁慕尼黑CEO路明尼加早前表示，京士利高文係「非賣品」，不過如果呢位法國翼鋒堅持唔肯續約，拜仁慕尼黑為免「阿拉巴事件」再次發生，好可能會喺今個夏天被逼「割愛」。