找數！禾夫斯堡狼死後衛停賽4場

《串績王》新登場，最強博彩盤路過關神器：http://win.on.cc/football/　

今季德甲表現突出嘅禾夫斯堡，上場聯賽作客賀芬咸慘被終止9場不敗走勢，而且仲要付出沉重代價。喺比賽尾段「狼死」犯規食紅牌嘅保羅奧達維奧，日前被德國足總重罰停賽4場，可以話係得不償失。

當時禾夫斯堡喺尾段仲係落後1比2，門將卡斯迪爾斯喺角球最後一擊上前助攻，當賀芬咸解圍打反擊，摩尼斯達保帶波到禁區頂準備射空門之際，保羅奧達維奧就從後雙腳飛鏟將佢踢跌，雖然成功阻止賀芬咸再入波，但禾夫斯堡仍然輸波之餘，保羅奧達維奧依家仲要長期停賽。

保羅奧達維奧今季18次喺德甲上陣，係禾夫斯堡後防主力，今次停賽意味佢會錯過對史浩克04、雲達不來梅、科隆同法蘭克福4場賽事，其中對法蘭克福更加係關乎前4嘅關鍵大戰。