巴塞向阿古路開出條件　叫佢減薪一半

足球博彩神器，每日重心提供盡在《彩報》：http://win.on.cc/football/　

阿古路今季已淡出曼城陣容，今夏約滿後勢必離隊，下一站好大機會係巴塞隆拿，令呢位阿根廷前鋒生涯尾聲好大機會同好友美斯做隊友，不過巴塞在財困下，希望阿古路減薪一半來投。

西班牙《每日體育報》報道，拉波塔當選巴塞會長後，隊長美斯今夏留隊機會提高，拉波塔競選期間就曾聯絡阿古路，彼此都有合作願意，唯一障礙就係阿古路嘅超高年薪。

阿古路在曼城年薪係稅後1500萬歐元(約1.38億港元)，雖然係自由身毋須轉會費，但此薪酬對財困嘅巴塞仍帶來不少負擔，因此巴塞希望阿古路收順啲，問佢年薪滅半得唔得。

其實巴塞真正想簽嘅係里昂荷蘭射手迪比，年僅27歲，就算傷咗康復時間都快啲，阿古路來季33歲，仲成日傷，巴塞諗縮數都好合理。