卡斯拿斯同沙拉宣布離婚 贍養費達16億

20210313
東網電視
更多新聞短片
《英超刨績王》加強版,最強數據一網打盡:http://win.on.cc/football/ 
西班牙傳奇門將卡斯拿斯與主播老婆沙拉,最近已被傳婚姻亮起紅燈,周五(12日)二人喺個人社交網正式宣布分手,令人關注嘅係卡斯拿斯3.5億歐元(32.5億港元)嘅財產將會被瓜分。
已經育有兩子嘅呢對過氣戀人曾被視為模範夫妻,最經典一幕是2010年世界盃賽後,當體育記者嘅沙拉訪問卡斯拿斯時,男方突然送上情深一吻;而二人嘅愛情關係始於2009年,保持了12年,並且在2016年結婚,兩個兒子馬田及盧卡斯分別是7歲及4歲。不過,其後卡斯拿斯和沙拉嘅身體都唔太好,一個遇上心臟問題,而另一個則患過卵巢癌。
最近幾個月傳媒已傳佢哋要離婚,佢哋亦決定唔再掩飾,公開雙方關係,宣布離婚嘅消息後,傳媒即關注佢哋分家產嘅問題,據西班牙《阿斯報》消息,卡斯拿斯個人財產達到3.5億歐元,包括多間企業及一堆不動產;其中四間企業嘅價值已超過2,500萬歐元,早於2000年佢已經成立一間公司,於名下擁有商舖及豪宅等。相比之下,沙拉嘅個人財產同卡斯拿斯就實在係「蚊髀與牛髀」,當地傳媒指,佢將可以分到卡斯拿斯嘅一半財產。
二人嘅分手通告用埋同樣嘅相片及文稿,並且表示佢哋已經分手,但會繼續做好父母嘅角色,呢個係一個深思熟慮決定,雖然各走各路,但親情同友情會繼續,亦會繼續畀孩子喺健康環境成長。