般尼變默郡殺手　作客贏晒愛華頓利物浦

足球博彩神器，每日重心提供盡在《彩報》：http://win.on.cc/football/　

周日(14日)凌晨英超爆出冷門，護級份子般尼作客以2比1擊敗前列強隊愛華頓，打破連續5場不勝困局，搶到救命3分。值得一提，般尼今季英超作客贏晒「默西賽德郡雙雄」利物浦、愛華頓，係球隊史上首次單季做出呢個壯舉，夠晒神奇。

般尼今場反客為主，開賽僅13分鐘，就由基斯活特射入打開紀錄，轉個頭杜韋麥尼爾個人表演，瀟灑擺脫對手之後，射入世界波，般尼踢咗24分鐘已經領先2比0。

愛華頓由卡維特利雲近門頂入追番1球，呢位英格蘭國腳原本有機會梅開二度，可惜佢之後再次近門施展高空轟炸，卻未能命中目標，最終愛華頓輸1比2，錄得2連敗，最諷刺係佢哋近7場英超主場只有1勝1和5負，打入前4位嘅機會大折扣。