第N個國家之旅！本田官宣踢阿塞拜疆超聯

韓職開鑼，即上《韓職刨績王》：https://win.on.cc/football/league/kd1/index.html　

日本球星本田圭佑又有新落腳點！34歲嘅本田以自由轉會嘅方式，去到阿塞拜疆搵食，周一啱啱同阿塞拜疆超級聯賽球隊納夫茲簽約，數數手指，已經係佢職業足球生涯走訪嘅第10個國家。

呢位日本中場同阿塞拜疆嘅納夫茲簽約到季尾，將會穿着4號球衣，而阿塞拜疆超聯共有28輪，啱啱已踢完20輪。本田圭佑離開日本Jleague之後，先後去過荷蘭、俄羅斯、墨西哥、澳洲、巴西、葡萄牙，其中喺2014至2017年效力意大利AC米蘭，可以話係職業生涯最巔峰，近年除咗踢波之外，亦有擔任教練，佢喺2018年曾於柬埔寨兼任主帥，而今年2月以自由轉會加盟葡超，但官宣兩日後就解約，家陣佢又搵到新東家，繼續佢嘅足球之旅。