歐聯變天!美斯C朗老去 西甲意甲大沉淪

20210318
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
歐聯16強踢完,貴為歐洲4大聯賽份子嘅西甲同意甲,加埋得一隊皇馬可以晉級8強,意甲球隊更加係自2015/16年球季之後,首次全部16強止步。最令人唏噓係美斯同C朗都冇份出戰8強,兩位球王年華老去,連帶西甲同意甲都喺歐聯大沉淪。
繼早1日阿特蘭大被皇馬淘汰之後,拉素亦被拜仁慕尼黑「雙殺」踢出局,自1992/93年球季歐聯改制後,第6次出現8強冇意甲球隊,對上1次係2015/16年球季。
阿特蘭大、拉素出局並唔令人意外,最令人失望係國際米蘭同祖雲達斯都冇作為,堂堂意甲榜首國米更加係分組賽包括尾出局,名副其實係令意甲嘥咗1個歐聯位置。
至於祖雲達斯16強對手只係波圖,但首回合嚴重失誤輸壞個頭,為出局埋下伏線。C朗亦未能重演兩年前,率領祖記反勝馬體會嘅好戲,只能講句歲月不饒人,球王已經有心無力。
至於西甲原本4隊入16強,但只有皇馬晉級8強,其實從分組賽已經睇到端倪,因為得皇馬係首名出線,巴塞隆拿、馬體會、西維爾都係次名出線,16強遇上其他小組首名勁旅,自然難踢。
特別係巴塞隆拿抽中對巴黎聖日耳門,「新代世球王」基利安麥巴比兩回合合共入4球,將老態畢露嘅美斯比下去,體育運動始終都係拳怕少壯。