同人唔同命！阿仙奴輸波照出線

《串績王》新登場，最強博彩盤路過關神器：http://win.on.cc/football/　

熱刺喺歐霸盃16強被逆轉出局，佢哋同市死敵阿仙奴亦都輸波，主場以0比1不敵希臘勁旅奧林比亞高斯，不過「兵工廠」首回合作客領先3比1，兩回合合計仍贏3比2晉級，近4屆歐霸盃第3度殺入8強。

阿仙奴今場有奧巴美揚復任正選，不過上半場球隊演出並無生氣，若非賓特尼奴救出艾亞比單刀，半場亦難保0比0賽果。換邊後6分鐘阿仙奴終於失守，艾亞比繼首回合後再為奧林比亞高斯入波，阿仙奴落後下換入湯馬士柏迪同馬田奧迪加特，成功拎番唔少優勢，但多次埋門都未能把握，最終阿仙奴輸0比1，但仍保住出線資格。

阿仙奴領隊阿迪達賽後表示：「我好開心球隊能夠晉級，但睇番球隊今場表現，尤其控球時嘅處理，完全係遠離球隊定下嘅標準，今場交失波嘅次數，令球隊唔能夠控制比賽，如果之後要繼續晉級，一定要提升比賽水平。」