歐洲勢力分布 羅馬成意甲唯一希望

2021年03月19日 14:02
東網電視
更多新聞短片
《英超刨績王》加強版,最強數據一網打盡:http://win.on.cc/football/ 
歐聯同歐霸盃8強已經出爐,英超繼續成為歐洲第1大勢力,曼城、車路士、利物浦、阿仙奴同曼聯5隊仍然作戰,西甲就有皇家馬德里、CF格蘭納達同維拉利爾3支代表,德甲就剩低拜仁慕尼黑同多蒙特雙雄,其餘6隊就分別嚟自唔同地區。曾經係歐洲最強勢力嘅意甲,依家只係得番羅馬一隊。
羅馬周五(19日)凌晨作客2比1再贏薩克達,兩回合合計大勝5比1晉級,球隊自1991年後,首次喺歐洲賽事連贏4場。羅馬今季喺歐霸盃嘅表現更勝聯賽,後防白賴仁基斯坦迪賽後表示:「意甲球隊喺戰術同防守上嘅準備更加充足,踢歐洲賽反而有更多空間。我哋嘅目標係聯賽入前4,同埋喺歐霸盃有咁遠去咁遠,球隊已證明自己有爭冠嘅實力。」