歐聯冠軍撐皇馬 決賽組合拖曼城拜仁
20210319
東網電視
更多新聞短片
最強博彩盤路過關神器《串績王》：http://win.on.cc/football/
歐聯8強抽籤於瑞士尼翁舉行，由土耳其球星咸美艾天托普負責抽籤，結果，呢名曾效力拜仁及皇馬嘅球員，幫手抽中超強戲碼，出現兩屆決賽翻版，上屆冠軍拜仁慕尼黑再遇巴黎聖日耳門，至於皇家馬德里鬥利物浦則係2017/18年決賽翻版。
紅軍球迷永遠唔會忘記，2018年歐聯決賽之仇，沙治奧拉莫斯夾硬夾跌穆罕默德沙拿，導致該名狀態大勇嘅埃及射手因傷離場，以及卡利奧斯派膠，不但輸咗利物浦嘅冠軍獎盃，亦成為個人足球事業嘅轉捩點。今場仇人見面份外眼紅，睇吓近排狀態麻麻嘅紅軍能否復仇。
至於上屆拜仁喺決賽以1比0擊敗PSG捧盃，更一口氣連贏歐超盃同世冠盃等，成為「6冠王」，但隨住「新世代球王」基利安麥巴比愈趨成熟，拜仁要過關有一定難度。至於歐洲另一矚目新星艾寧夏蘭特效力嘅多蒙特，則抽中奪標大熱曼城，呢場可視為曼城「睇辦」之戰。
另一支英軍車路士就抽好籤，遇到8強中被視為實力最弱嘅波圖。杜曹上屆帶PSG功虧一簣，今屆轉帶車仔，睇吓係咪可以Keep到現時嘅佳態，搞掂呢支2003年歐聯冠軍。
經抽籤後，曼城續以2.8倍被列為大熱門，不過就算佢哋可以殺入決賽，要打破近年決賽新丁多數輸波嘅宿命亦唔容易；另一邊廂，4支前度冠軍皇馬、利物浦、波圖及車路士身處同線，以近況計車仔無疑較為優勝，不過皇馬、利物浦今季喺聯賽表現失色，喺歐聯肯定加多兩錢肉緊，皇馬喺施丹帶領下出戰歐聯勝出率高，現時冠軍有9倍值得一博。
決賽組合方面，冠軍之選皇馬自然是心水選擇，另一條線高手林立，拜仁慕尼黑與PSG為上屆決賽分子，但論整體實力及穩定性，拜仁無疑稍勝一籌，有望再度殺退PSG再晉一級；另一場8強曼城的平均實力及經驗亦比多蒙特優勝，進身4強機會較濃，一旦拜仁、曼城於4強交鋒，勝負很大可能取決於臨場發揮，決賽組合不妨雙選「拜仁-皇馬」及「曼城-皇馬」。
8強形勢
曼城 (英格蘭) Vs 多蒙特 (德國)
波圖 (葡萄牙) Vs 車路士 (英格蘭)
拜仁慕尼黑 (德國) Vs 巴黎聖日耳門 (法國)
皇家馬德里 (西班牙) Vs 利物浦 (英格蘭)
前者先主場
首回合：4月6日及7日
次回合：4月13日及14日
4強
首回合：4月27日及28日
次回合：5月4日及5日
決賽
5月29日
地點：土耳其伊斯坦堡奧林匹克球場