雲迪積克「留位」踢歐國盃　高普震怒

足球博彩神器，每日重心提供盡在《彩報》：http://win.on.cc/football/　

利物浦中堅華基爾雲迪積克上年10月重傷，雖然近期已經開始跑步兼輕度練習，但領隊高普早前仍表示今季「多數」唔會見到佢上陣。不過據英國《每日鏡報》爆料，華基爾雲迪積克向荷蘭足總表明想踢今夏歐國盃嘅決心，領隊法蘭迪保亞仍承諾會預留名單位置等佢康復，令高普非常震怒。

今屆歐國盃決賽周6月先至展開，報道指華基爾雲迪積克有信心可以趕及賽事展開前康復，雖然狀態成疑，但法蘭迪保亞仍然選擇留位畀呢位29歲主力。曾經喺修咸頓同華基爾雲迪積克共事嘅荷蘭名將艾榮高文話：「我明白雲迪積克，對球員嚟講踢世界盃同歐國盃係好重要，有時甚至係違反常理，我喺90年世界盃決賽周前斷韌帶，但我最後關頭證明自己傷勢冇礙而參賽。」

不過，有醫療專家表示如果華基爾雲迪積克重傷康復後，如果未為利物浦上陣就去踢國家隊，會令傷患復發機會大大增加，亦係利物浦不滿華基爾雲迪積克想參戰歐國盃嘅主要原因。