真唔真？車路士鋼門整牙免役國際賽

足球博彩神器，每日重心提供盡在《彩報》：http://win.on.cc/football/　

車路士領隊杜曹表示，塞內加爾門將艾度亞文迪喺國際賽檔期期間要做「牙齒手術」，無法為國家隊服役，不過佢4月初聯賽重開對西布朗應可復出，時間啱啱好。

車路士日前英足盃2比0擊敗錫菲聯一仗，鋼門艾度亞文迪未有上陣，改由阿列沙巴拿加把關，雖然呢項盃賽上幾圈都係Kepa守龍門，但收起艾度亞文迪，係畀佢整靚棚牙做準備。

艾度亞文迪今次免役，將錯過塞內加爾對剛果及伊斯瓦蒂尼2場非洲國家盃外圍賽，但對於車路士嚟講絕對係好事，因為自從佢加盟之後，球隊後防穩定咗好多。領隊杜曹上任後亦保持14場不敗，當然唔希望艾度亞文迪有咩意外而影響到球隊。