尼馬同意續約PSG 麥巴比走得?

2021年03月23日 09:00
東網電視
更多新聞短片
《串績王》新登場,最強博彩盤路過關神器:http://win.on.cc/football/ 
法國豪門巴黎聖日耳門(PSG)陣中兩大王牌尼馬同基利安麥巴比,同球會合約都喺明年到期,續約成為當務之急。據多個可靠消息透露,巴西巨星尼馬已經同意PSG開出嘅條款,日內就會正式續約到2026年,意味會將佢嘅黃金時間都奉獻晒畀PSG。
繼《Qatar Today》早前透露尼馬將會續約PSG後,轉會消息權威記者Fabrizio Romano日前亦證實:「尼馬已非常接近同PSG續約到2026年6月,依家只係差一啲最後細節,如果合約期內PSG可以拎到歐聯冠軍,尼馬將會得到一筆『非常豐厚』嘅獎金。」
傳聞尼馬目前周薪高達60萬鎊,喺疫情影響下PSG財政亦出現問題,一直有傳球會只能夠同尼馬或者基利安麥巴比其中一人續約,如果尼馬真係續約,只剩1年幾合約嘅基利安麥巴比好大機會喺今個夏天被賣走,而皇家馬德里一直對呢位法國新星虎視眈眈。