傳洛里斯今夏離開熱刺　下一站去曼聯

足球博彩神器，每日重心提供盡在《彩報》：http://win.on.cc/football/　

法國《隊報》爆料，熱刺門將洛里斯考慮今夏離隊，曼聯乘虛而入，打算簽入呢位34歲法國國家隊隊長，一旦出售迪基亞或者甸恩軒達臣，都有1位可靠門將可用。

洛里斯已經效力熱刺9年，為球隊上陣363次，但卻未能獲得任何錦標，最威水只係協助球隊打入2015年英聯盃決賽、2019年歐聯決賽，所以希望把握所餘無多嘅球員生涯，轉投其他具爭標實力嘅球隊。

曼聯領隊蘇斯克查有意對門將位置作出更換，盛傳迪基亞、甸恩軒達臣兩人只有1位可以留隊，其中迪基亞近年表現備受批評，會方唔排除出售佢，一旦成事，曼聯需要簽入1位具級數門將頂替佢，洛里斯屬於唔錯人選。

據悉，熱刺亦為洛里斯離隊，做好準備，計劃簽入25歲嘅里爾門將邁治蘭，佢同洛里斯都有入選今次法國大軍名單，被視為洛里斯喺國家隊嘅接班人。