一個舉動話你知　連格要長留韋斯咸

最強博彩盤路過關神器《串績王》：http://win.on.cc/football/　

連格今年1月被曼聯外借去韋斯咸之後，表現脫胎換骨，7次英超上陣射入5球及2次助攻，更加相隔2年之後，再次入選英格蘭國家隊。呢位28歲中場日前身穿全套韋斯咸隊服，向英軍報到時，似乎想用行動顯忠誠，表達自己屬於「錘仔幫」嘅人，唔會重返曼聯。

球員一向極少着球會隊服向國家隊報到，好似同樣入選今次英格蘭國家隊嘅曼城中堅史東斯、曼聯左閘勞基梳爾等國腳，都只係身穿便服到場，更加顯得連格非常熱愛韋斯咸，對球隊非常有歸屬感，佢呢個舉動亦引起英國傳媒注意，推測佢打算今夏向曼聯要求永久轉投韋斯咸。

事實上，曼聯中前場有人滿之患，即使連格下季重返曼聯，亦難以取得正選位置，難得可以喺韋斯咸大放異彩，梗係唔走啦。