曼城邀多位天文物理學家加盟　力爭4冠王

《英超刨績王》加強版，最強數據一網打盡：http://win.on.cc/football/　

曼城今季好大機會重奪英超冠軍，英聯盃亦叫胡，英足盃同歐聯都未出局，有機會贏晒4冠！英國傳媒報道，曼城咁犀利，可能同佢哋近期邀請咗多位天文物理學家加盟有關！

英國《每日郵報》報道，曼城今年初邀請多位天文物理學家加入團隊，佢哋嘅作用係協助分析球隊數據，從而提升表現；傳媒就此事向曼城查詢，但會方並未透露太多細節，僅向外稱技術團隊專家當中的確有物理學背景，佢哋係幫城市足球集團所有球隊做數據分析。

其實曼城一直有意發展高科技，城市足球集團去年曾與google進行人工智能競賽，比賽目的係要開發出工人智能教練，在球賽不同情況作出不同反應。

其實除咗曼城，各隊嘅技術團隊都出盡法寶，例如曼城嘅死敵利物浦，技術團隊中就有個國際象棋冠軍。