文尼表效忠　冇歐聯踢都會留隊

最強博彩盤路過關神器《串績王》：http://win.on.cc/football/　

利物浦今季成績大倒退，現時排英超第7位，落後第4位車路士5分，面臨無緣下屆歐聯嘅困境，更有傳主將沙迪奧文尼可能因此而離隊。不過，呢位塞內加爾國腳表示，會同紅軍共度時艱，意味即使球隊未能參加下屆歐聯，佢都會留隊。

沙迪奧文尼話：「我喺利物浦過得好快樂，好享受為利物浦出賽，以及同隊友並肩作戰，遇到目前局面，我哋必須去面對，繼續奮鬥，一定可以搵到解決方法。我哋一直好成功，依家出現困難，呢種就係生活，更加要團結一致，保持積極樂觀，改變困局，作為利物浦球員，我比以前更加自豪。」

由此可見，沙迪奧文尼並唔想喺利物浦陷入低潮時離開，之前有傳皇馬計劃收購沙迪奧文尼，依家應該可以死心啦。