跑得慢唔夠快又如何？加利仔有7億身家！

足球博彩神器，每日重心提供盡在《彩報》：http://win.on.cc/football/　

成日話加利仔有3個缺點「跑得慢、冇速度、唔夠快」，但佢一個優點就夠喇，就係「有錢剩」！英國傳媒報道，加利尼維利2011年喺曼聯結束19年紅魔生涯，退休後八足咁多爪，佢喺商界牽涉業務超過60項，佢資產總值已經達到7000萬鎊(約7.5億港元)，可說係相當成功。

46歲嘅加利仔明面上係《天空體育》主播同沙福特城其中一名班主，但傳媒調查所得，同佢有關聯嘅公司多達66間，雖然有部份已解散或停止業務，但仍有好多公司在運作中，例如餐廳、製片、地產代理同環保項目等。

英國《太陽報》報道，加利仔旗下嘅酒店業務，佢所佔資產價值就達到2000萬鎊，而物業發展商價值亦超過1000萬鎊，仲有其餘業務總價值達到4000萬鎊，全副身家合共7000萬鎊，掛靴後從商有咁嘅成績，都算係理財有道呀！