夏蘭特太貴啦 車路士想番兜盧卡古

20210329
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
盧卡古將再戰英超?車路士由杜曹執教後,成績反彈,但始終未能解決「9號位」問題,鋒力仍然不足,英國《每日郵報》爆料,指車仔原本打算今夏收購多蒙特射手艾寧夏蘭特,但「蜜蜂兵團」索價1.54億鎊,令車仔卻步,如果車路士最終簽唔到呢位20歲挪威新星,就會改為收購國際米蘭前鋒盧卡古。
車路士上年用5,300萬鎊向RB萊比錫收購德國前鋒迪姆華拿,點知佢變成另1位費蘭度托利斯,上「車」後入球數字大減,今季英超只入5球,只係多過34歲老將基奧特1球,表現實在唔合格。
如果車路士要奪取英超冠軍,必定要簽入1位高產射手,由於收購艾寧夏蘭特困難重重,會方決定改打盧卡古主意。
雖然盧卡古大艾寧夏蘭特7歲,未必再有提升空間,但勝在經驗富豐,效力過車路士、西布朗、愛華頓、曼聯,一早已經適應英超,唔怕出現迪姆華拿「水土不服」問題。
加上盧卡古加盟國際米蘭後,表現脫胎換骨,近2季意甲加埋已經入咗42球,有統計指佢今季意甲平均3.4次射門,就入1球,加上近2場世界盃外圍賽都為比利時入波,效率極高,令車仔視盧卡古為艾寧夏蘭特以外,另一個選擇,想請佢回巢。
值得一提,國米教練干好可能今季結束後離隊,佢兩年前力排眾議,用7,500萬鎊向曼聯收購盧卡古,如果干地離開國米,盧卡古可能都會想走人,令車仔有機可乘。