曼聯下季新波衫曝光　搵到幾多個改動呢？

韓職開鑼，即上《韓職刨績王》：https://win.on.cc/football/league/kd1/index.html　

網上流傳曼聯下季新主場版球衣，採取簡約復古設計，當中最大改動係隊徵及球衣牌子標誌，由以往分別放心口左右上方，改為擺晒喺中間，仲有心口贊助商廣告位置亦轉為TeamViewer。

呢款紅魔鬼新球衣繼續係圓領設計，但由紅色圓領變成白色圓領，衣袖尾位置亦同樣由紅變白，最注目改動都係隊徵擺正中間，更加搶眼，款式同英格蘭國家隊球衣好相似，但屬於唔同品牌。

曼聯波衫心口位置廣告，由Chevrolet改為TeamViewer，會方早前同環球科技公司TeamViewer簽下5年合約總值2億3,500萬英鎊，平均每年4,700萬鎊嘅贊助費，打破英超心口贊助費紀錄。TeamViewer嘅標誌原本係用藍色字，但為遷就曼聯波衫設計，都會改用白色。