唔想返曼聯　米蘭為達洛治贖身

《串績王》新登場，最強博彩盤路過關神器：http://win.on.cc/football/　

去年夏天由曼聯外借到AC米蘭嘅葡萄牙右閘達洛治，轉眼快將一年，近日曼聯收到來自米蘭報價，表示希望以1200萬鎊將該球員買斷，等待曼聯回覆。

2018年加盟曼聯嘅達洛治上陣機會唔多，今季外借到米蘭則獲重用，上陣24次，包括歐霸盃倒戈對曼聯都有上陣。佢同曼聯合約要到2023年夏天完結，周薪4萬鎊，但如果佢結束外借重投紅魔鬼，相信都冇乜上陣機會。

米蘭現時為佢開價1200萬鎊轉會費，希望買斷，達洛治亦表示希望留喺米蘭發展，不過曼聯出售達洛治嘅目標價係1800萬鎊，同米蘭開價有段距離，雙方面或須再作磋商，先搵到個解決方案。