杜奧巴囝囝轉戰意丁　取得生涯首個入球

《英超刨績王》加強版，最強數據一網打盡：http://win.on.cc/football/　

車路士一代中鋒杜奧巴已退隱，由佢20歲囝囝艾錫杜奧巴繼承衣缽，近期轉戰意大利丁組，加盟Folgore Caratese，周日作客Caronnese一仗，取得其生涯首個入球，恭喜晒！

小杜奧巴首個入波：https://bit.ly/2O8JqBi　

當時小杜奧巴所屬球隊進攻，在進攻右路窄位，小杜奧巴門前撞射得手，最終憑呢個唯一入球一箭定江山，以1比0獲勝，小杜奧巴同隊友興奮慶祝，相當開心。

雖則話成功靠父幹，但職業足球就行唔通，艾錫出身於車路士訓練學院，2018年離隊向外闖蕩，最先加盟法甲球隊甘岡，但未有上陣就於去年夏天離隊，佢老竇都幫唔到佢。

直至今年2月，意丁Folgore Caratese將佢收歸旗下，令佢可以延續職業足球路，而且睇囝囝身形略嫌單薄，同步大力雄嘅「魔獸」老竇相差好遠，如果佢要成為「小魔獸」，至少都要操大隻啲先得咯。