曼城球員有共識　兩老臣子今夏離隊

足球博彩神器，每日重心提供盡在《彩報》：http://win.on.cc/football/　

英國《每日郵報》報道，曼城兩位老臣子，前鋒阿古路及中場費蘭甸奴，完成今個球季後就會約滿，而曼城全隊球員都有共識，就係兩位領袖都會齊齊離開藍月亮。

36歲嘅費蘭甸奴長約一早完咗，依家同曼城合約係一年一年咁簽，由於佢上季喺球隊傷兵滿營下都頂硬上，擔起成隊波嘅中後場，因此獲得會方續約一年獎勵，而一年話咁快就過，呢位隊長亦於今夏約滿，會方並無續約打算，而費蘭甸奴亦鋪好晒後路，據報打算返巴甲帕拉尼恩斯落班，佢坦言唔捨得曼城一班隊友，但都要為自己打算。

至於阿古路約滿傳咗好耐，曼城會方在續約一事上亦未見有動靜，呢位曼城史上最佳射手將以自由身離隊，有興趣接收佢嘅球會非常多，巴塞隆拿係其中之一。

面對兩位老臣子嘅去留問題，哥迪奧拿都冇咩好講，佢話：「球隊正全力爭取4冠王，暫時都唔想『分心』去諗其他嘢，總之踢完先算。」