利物浦球探睇夏蘭特　想簽埋「對面嗰個」

足球博彩神器，每日重心提供盡在《彩報》：http://win.on.cc/football/　

挪威國家隊前鋒艾寧夏蘭特炙手可熱，歐洲各大豪門都打呢位多蒙特新星主意，英超勁旅利物浦都唔例外，日前挪威對土耳其嘅世盃外賽事，「紅軍」就派出球探去睇艾寧夏蘭特比賽，勢估唔到今次旅程有意外發現，土耳其門將卡基呢場波表現出色引起利物浦注意，傳聞「紅軍」準備提出收購。

挪威呢場波吞土耳其3蛋，據《Sabah Sport》報道，原本一心睇艾寧夏蘭特表演嘅利物浦球探，完場後對土耳其門將卡基留下深刻印象，利物浦一直希望為艾利臣比加物色可靠副選，24歲嘅卡基就成為目標人物，報道指利物浦打算喺今個夏天，開價1,450萬鎊向特拉布宗提出收購。

身高1米91嘅卡基已5次為土耳其國家隊上陣，把關能力受到肯定，車路士上年簽入艾度亞文迪前，亦曾經想簽卡基做龍門。