終極背叛?5豪門搶簽阿古路 曼聯有份!

20210331
東網電視
更多新聞短片
《串績王》新登場,最強博彩盤路過關神器:http://win.on.cc/football/ 
曼城宣布阿古路將喺季尾約滿離隊後,一場「阿Kun爭奪戰」即時展開!據法國媒體《Foot Mercato》爆料,阿古路目前已經收到5間球會嘅聘約,當中竟然包括曼城同市死對頭曼聯在內!如果阿古路最終改投「紅魔鬼」,唔知曼城仲會唔會幫阿古路起銅像呢?
據《Foot Mercato》消息,法甲勁旅巴黎聖日耳門向阿古路正式提出斟介,教練普捷天奴喺基利安麥巴比前途未明,借將摩斯堅恩亦可能離隊下,決心簽入將回復自由身嘅阿古路,但同時指出呢位阿根廷射手已經有另外4份聘約,包括曼聯、車路士、國際米蘭同另外一間球會。
阿古路受到各大球會斟介唔係奇事,但曼聯嘅聘約就最受注目,報道指曼聯視阿古路為取代卡雲尼嘅人選,但阿古路效力曼城10年,已經係「藍月亮」殿堂級名宿,曼城亦宣布會為佢建銅像,如果阿古路最後過檔曼聯,將會成為足球史上最大「背叛」之一。