FIFA病毒肆虐　華拉堤受傷或無緣鬥拜仁

日職開鑼，即上《日職刨績王》：https://win.on.cc/football/league/jleague/index.html　

近期有唔少球員喺國際賽期間「為國捐軀」受傷，意大利中場馬高華拉堤屬於其中一人，佢因為大腿受傷，已經提早退隊，唔止會缺陣周四(4月1日)凌晨世界盃外圍賽意大利作客立陶宛，更加可能無法為巴黎聖日耳門(PSG)出戰歐聯8強首回合作客拜仁慕尼黑。

馬高華拉堤近2場世界盃外圍賽都以正選上陣，但上場作客保加利亞，佢踢到比賽末段被換走，賽後發現呢位28歲中場大腿受傷，領隊文仙尼批准佢提早離隊。

據悉，馬高華拉堤傷勢唔輕，預料將會缺陣周六(4月3日)晚法甲榜首大戰，巴黎聖日耳門主場對里爾，意大利傳媒更加指馬高華拉堤可能踢唔到下周中歐聯8強首回合，PSG作客拜仁慕尼黑。

拜仁慕尼黑亦有射手羅拔利雲度夫斯基踢世界盃外圍賽期間受傷，無緣今場歐聯大戰，呢兩支勁旅今次真係多得國際賽唔少。