曼聯祖記互換中場　邊個着數啲？

足球博彩神器，每日重心提供盡在《彩報》：http://win.on.cc/football/　

意大利傳媒報道，祖雲達斯今夏將會重建陣容，其中中場人選睇中曼聯嘅雲迪碧克，並可能會用法國中場拉比奧特同曼聯交換，呢次交易可謂一家便宜兩家着。

《都靈體育報》報道，曼聯去年夏天以4,500萬歐元從阿積士簽入雲迪碧克，之後一直未能好好發揮，今季僅上陣27次，聯賽13場入1球，同佢前季協助阿積士殺入歐聯4強嘅表現相差甚遠。

其實拉比奧特在祖記嘅處境，同雲迪碧克都有相似之處，拉比奧特喺祖記2季表現一般，但喺法國隊就好生猛，甚至有機會同保羅普巴競爭主力位置，報道指祖雲達斯正尋找機會簽下雲迪碧克，曼聯亦唔抗拒拉比奧特，為兩隊互換球員創造有利條件。

除咗兩位中場，曼聯同祖記之間仲有可能出現球員轉會交易，例如盛傳唔續約嘅C朗，就有機會重返曼聯，而保羅普巴亦有可能返回祖雲達斯，總之今個夏天，曼聯同祖記大把合作機會。