秘密交易！皇馬拜仁短期內交換主力

西班牙傳媒爆料，歐洲兩大巨頭皇家馬德里及拜仁慕尼黑，將於短期內完成一宗秘密交易，就係拜仁中場阿拉巴，同皇馬右閘盧卡斯華斯基斯進行交換，分析指兩隊秘密交易嘅原因係唔想打亂轉會市場正常秩序，而今次交易令兩隊達致雙贏。

阿拉巴同拜仁結束賓主關係一事早就通天，雙方將於季尾約滿，而該奧地利中場受到多間球會邀請，不過佢本人希望去西甲發展，如果想去西甲，以佢級數，皇馬當然係佢最佳選擇。

至於華斯基斯喺皇馬亦將約滿，佢係球隊輪換主力之一，但會方並無打算同佢續約，結果成為同阿拉巴交換嘅籌碼。

西班牙《馬卡報》報道，阿拉巴與華斯基斯可能在今夏完成交換，而有關協議將會在短期內簽訂，再於今夏完成簽約。