西甲「新伊巴」　有機會做阿古路接班人

《英超刨績王》加強版，最強數據一網打盡：http://win.on.cc/football/　

曼城前鋒阿古路踢埋今季就會離隊，「藍月亮」亦積極物色新前鋒加盟，據報依家效力皇家蘇斯達嘅阿歷山大伊沙克，受到曼城主帥哥迪奧拿賞識，呢位21歲瑞典前鋒今季已有12個入球，排喺西甲射手榜第6位，潛力相當優厚。

被視為伊巴謙莫域後，瑞典最佳前鋒嘅阿歷山大伊沙克，早前接受訪問亦表明有意去英超發展：「我絕對想像到自己喺英格蘭比賽，英超可能係世界上最佳聯賽，所有球員都一定想喺最佳聯賽入面踢波。如果真係有機會出現，我覺得終有一日會去英超。」

不過，阿歷山大伊沙克表明目前會專注為皇家蘇斯達比賽：「我依家唔想諗太多關於轉會嘅問題，只係想為皇家蘇斯達拎到最好成績，轉會並唔係我依家想考慮嘅事。」