保羅戴巴拿為違反限聚道歉　但唔認開Ｐ

《串績王》新登場，最強博彩盤路過關神器：http://win.on.cc/football/　

新冠肺炎疫情仍然肆虐，祖雲達斯有球員涉參與派對，違抗疫措施引起關注，當中涉事嘅主將保羅戴巴拿否認參與派對，但承認犯錯兼且公開道歉。

意大利警方周三接報指祖記嘅韋斯頓麥堅尼位於都靈嘅豪宅相當嘈吵，夜晚11點半上門查察，但屋主拒絕開門。而當然傳媒指當中參與派對嘅人數達20人，包括保羅戴巴拿及艾法美路已證實身在其內，一眾因為違反居家令已被政府罰款。

保羅戴巴拿在個人社交網上就事件公開道歉：「我知全世界正面對疫情處於艱難時刻，希望下次不會再犯錯，我不應該出外食晚餐。但呢個絕對唔係派對，對於呢個犯錯，我向大家道歉。」雖然佢哋已被政府罰款，但祖記可能都會作出處罰，罰款還是停薪仍未知。

目前祖記喺意甲已被國米拋離10分，如果球員因紀律問題被罰停賽，想爭取衞冕都幾難。