媽媽病逝打擊大　托拉拿宣布離開歐洲球壇

《英超刨績王》加強版，最強數據一網打盡：http://win.on.cc/football/　

今季由阿仙奴外借去馬德里體育會嘅中場盧卡斯托拉拿，佢嘅媽媽日前因為新冠肺炎去世，依家返咗烏拉圭奔喪嘅盧卡斯托拉拿，近日宣布為咗多啲時間陪伴家人，決定今季後就離開歐洲球壇返南美踢波，而且講到明要加盟阿甲勁旅小保加。

25歲嘅盧卡斯托拉拿表示：「我媽媽過身當日，第1個收到消息嘅係我經理人，我真係唔想再留喺歐洲比賽，我想多啲時間陪我屋企人。爸爸喊住同我講，叫我應該轉會小保加，呢一個亦係我嘅決定。」由於盧卡斯托拉同阿仙奴仲有2年幾合約，轉會亦唔係容易，呢位烏拉圭中場話：「我唔肯定自己轉會費要幾多，但我希望阿仙奴可以將我借畀小保加。無論幾辛苦，我嚟緊會返馬德里體育會完成今季賽事，希望可以拎埋西甲冠軍離開。」