熱刺唔配有卡尼？孫興民都有拜仁挖角！

足球博彩神器，每日重心提供盡在《彩報》：http://win.on.cc/football/　

熱刺今季喺摩連奴帶領下，成績同表現都比之前退步，唔少球迷都認為熱刺唔配有哈利卡尼呢位超級前鋒，傳聞哈利卡尼亦有意轉投其他有機會爭冠嘅豪門效力。其實有同樣諗法嘅又點止哈利卡尼？南韓前鋒孫興民同樣係世界級前鋒，據報德甲班霸拜仁慕尼黑已瞄準呢位亞洲天王。

據德國傳媒報道，拜仁慕尼黑對孫興民非常有興趣，尤其呢位南韓前鋒喺加盟熱刺前，曾經喺漢堡同利華古遜打滾7年，早就喺德甲證明自己實力。孫興民同熱刺合約去到2023年完結，如果佢唔續約嘅話，呢個暑假就係熱刺賣到「好價」嘅最後機會，尤其如果熱刺拎唔到歐聯資格，孫興民續約嘅機會就更細。

足球網站《FootyInsider247》更指出，拜仁慕尼黑對孫興民志在必得，準備開出20萬鎊周薪嘅5年合約，甚至打算如果今個夏天買唔成，都會等到明年夏天、孫興民只剩1年約情況下，再用平價簽入呢位南韓前鋒，誠意十足。