貪新忘舊？曼聯批准出售普巴

足球博彩神器，每日重心提供盡在《彩報》：http://win.on.cc/football/　

曼聯追逐雷恩18歲中場卡馬雲加嘅時候，另一方面亦打算放走同屬法國國腳嘅保羅普巴，意大利《都靈體育報》指紅魔鬼眼見普巴遲遲未肯續約，為免佢明夏約滿自由身離隊，令球會人財兩失，所以願意提早今夏出售呢位28歲中場球星。

以往已經多次傳出曼聯打算賣走保羅普巴，但佢不時可以踢出身價波，令球會對佢又愛又恨。普巴對於自己是否留隊，態度一直曖昧，似乎想博取更高續約待遇，同時亦可能等緊其他大球會斟佢。

不過，隨住距離普巴合約屆滿日期愈來愈近，曼聯會方已經對佢失去耐性，願意接受其他球會報價收購。據悉，祖雲達斯一直對保羅普巴念念不忘，法甲勁旅巴黎聖日耳門近年簽入過曼聯球員迪馬利亞、安達靴里拉，呢兩間球會成為最大潛在買家。

【延伸閱讀】最後一塊拼圖現身　曼聯搶簽18歲剷波王

https://bit.ly/3dygxqy