一個理由　蘇斯克查反對簽阿古路

《英超刨績王》加強版，最強數據一網打盡：http://win.on.cc/football/　

早前有消息傳出，曼聯有意接收回復自由身嘅阿古路，大把花生友等睇呢齣死敵轉會之際，曼聯領隊蘇斯克查表明立場，佢反對簽入阿古路，理由好簡單，因為阿古路效力同市死敵曼城。

蘇斯克查表示：「我唔會期待任何一位喺同市死敵效力10年嘅員跳槽來投，我唔會咁做，當我效力曼聯時，如果對方想簽我，而我又跳槽，咁仲有咩忠誠可言？忠誠係我非常重要嘅價值觀之一，我好清楚，當你效力曼聯時，你就唔可以去曼城。」

雖然在歷史上出現過唔少例子，曼聯同曼城之間球員過檔，例如早年嘅阿根廷前鋒泰維斯，泰維斯出走一度令曼聯球迷非常憤怒，仲有更早年嘅丹麥門將舒米高，由曼聯去曼城。

蘇斯克查續說：「以前有過唔少例子，你哋都知佢哋係邊個，但我對此不敢苟同。」