看台重開！英聯盃決賽允許8000觀眾入場

足球博彩神器，每日重心提供盡在《彩報》：http://win.on.cc/football/　

英格蘭足總確認，本月25日英聯盃決賽允許8000名觀眾入場，如果反應理想，5月份英超及足總盃決賽，將開放更多座位，以至今夏歐國盃，球迷都可以現場睇波。

今屆英聯盃決賽由衞冕嘅曼城火併熱刺，4月25日在溫布萊球場舉行，而今場決賽被確認為英國政府實驗一部份，先批准8000人入場，決賽雙方球會都會獲得部份門券，亦即表示雙方都有球迷為己隊打氣。

餘下門票將分給當地居民及醫護人員，而今次批准觀眾入場，是為了5月份更多球場開放作準備，在計劃中，部份英超賽事將開放過萬觀眾，而英足盃決賽目標是容許超過20000觀眾入場，至於今夏歐國盃溫布萊球場上演嘅比賽，亦可望容許觀眾入場打氣。