有興趣進軍西甲？沙拿：Why not？

足球博彩神器，每日重心提供盡在《彩報》：http://win.on.cc/football/　

利物浦今季成績麻麻，不過埃及前鋒穆罕默德沙拿就保持頂尖表現，近期盛傳呢位前鋒有意季尾離隊，西甲雙雄巴塞隆拿同皇家馬德里更加係傳聞中熱門落腳地，就喺歐聯大戰皇家馬德里前，沙拿被問到有冇興趣進軍西甲，佢就大方回應：Why not？

穆罕默德沙拿同利物浦合約到2023年完結，但一直有消息話佢想尋求轉會，早前接受西班牙《馬卡報》訪問，被問到會唔會考慮去西甲比賽，沙拿就話：「點解唔想？冇人知道未來會發生咩事，所有......或者有一日會發生(踢西甲)，呢個唔係我自己決定，大家放長雙眼睇下，不過我依家唔想講太多。」

英國《每日郵報》透露，穆罕默德沙拿有意今年7月代表埃及出戰奧運，令佢同利物浦出現磨擦，而且明年1月又要出戰非洲國家盃，如果佢踢晒兩項大賽，將會大大影響利物浦下季部署。