一個情況 熱刺炒摩連奴唔使賠足

20210406
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
熱刺上仗英超領先下遭紐卡素逼和2比2,錯失升上前4機會,賽後更爆出摩連奴批評球員言論事件,令將帥關係緊張,英國傳媒再揭出摩連奴合約條款,假如熱刺失去歐洲賽資格,熱刺炒摩連奴就毋須支付3000萬鎊嘅十足賠償,意思即係叫摩連奴醒醒定定,至少要搵到歐霸資格。
英國《每日郵報》報道,摩連奴在熱刺年薪為1500萬鎊,尚餘2年合約,如果熱刺依家炒佢,就要賠3000萬鎊,不過當中有條款列明,熱刺必須取得歐洲賽資格,否則摩連奴被炒嘅賠償金就會少好多。
熱刺當日炒普捷天奴,搵摩連奴入主球隊,主要目的就係捧盃,今季摩連奴一度帶隊登上英超榜首,又打入英聯盃決賽,成績其實唔錯,可惜嘅係球隊今夏未有增撥資源買人增強防線,熱刺經常後防唔掂,末段失守,成績唔好唔係摩連奴一個人嘅責任。
上仗被紐卡素逼和後,摩連奴把口唔收,賽後批評球員表現,再度引發更衣室不滿,如果呢段時間球員唔肯再為摩帥搏命,令熱刺最終失去英聯盃同歐霸資格,摩連奴被炒後賠償,熱刺亦兩頭空,咁樣對大家都冇好處。