韋拿杜姆離隊使乜驚　利物浦搵佢代替

《串績王》新登場，最強博彩盤路過關神器：http://win.on.cc/football/　

荷蘭中場韋拿杜姆今夏約滿離開利物浦，據稱佢會以自由身加盟巴塞隆拿，跟朗奴高文搵食，既然離隊已成定局，利物浦唯有簽人填補空缺，四出尋覓下，最終搵到佢，佢就係阿爾克馬爾隊長古普美拿斯，實行荷蘭人頂替荷蘭人。

英國《太陽報》引述荷蘭消息，利物浦睇中AZ隊長古普美斯拿，認為此子同韋拿杜姆作用相似，佢今季喺荷甲上陣28場，攻入15球，喺球隊踢中場位置，但入波仲多過主力前鋒、入咗12球嘅保亞杜。

最重要係古普美拿斯仲好年輕，年僅23歲，早前國際賽仲喺歐洲U21為荷蘭出戰德國，據報除咗利物浦，意甲羅馬都睇中佢，不過如果利物浦出手，相信古普美拿斯會選擇紅軍。