【官宣】曼城同迪布尼續約 踢到2025

2021年04月07日 19:00
東網電視
更多新聞短片
奇雲迪布尼續約(曼城圖片)
《英超刨績王》加強版,最強數據一網打盡:http://win.on.cc/football/ 
曼城擊退多蒙特後,周三(7日)官方宣布與比利時王牌中場奇雲迪布尼達成續約協議,延長合約至2025年,到約滿時,迪布尼效力曼城剛滿10年。
奇雲迪布尼於2015年加盟曼城,至今效力5年半,共贏得2次英超、1次英足盃及4次英聯盃,並於去年贏得英格蘭球員先生獎,佢亦係公認嘅英超助攻王,過去5年半上陣255場,攻入65球交出105個助攻。
今年初曾有消息傳出,迪布尼與曼城續約有阻滯,原因係周薪28萬鎊嘅迪布尼要求獲得英超第1周薪,或要達到前阿仙奴中場奧斯爾嘅周薪35萬鎊,以及曼聯門將迪基亞嘅周薪37.5萬鎊水平。迪布尼如今與曼城達成續約,暫未有傳媒透露細節,但相信曼城喺薪酬方面唔會待薄佢。
此外,英國《太陽報》報道,曼城公布新冠肺炎疫情期間,球會損失1.26億鎊(約13.5億港元),截至去年6月30日,球會收入下降11%,錄得4.78億鎊,損失主要來自閉門作賽之下門票收入大減,季尾亦要退票。曼城主席阿姆巴拉克表示,曼城財政基本仍然穩健,不過領隊哥迪奧拿表示,曼城是一個團隊,因此不會花巨款去收購單獨1名球員,暗示如果艾寧夏蘭特轉會費太貴,曼城很難收購。