巴塞搶先出手留住法國新星　唔續約就賣走

足球博彩神器，每日重心提供盡在《彩報》：http://win.on.cc/football/　

巴塞嘅法國前鋒奧士文尼迪比利今季表現搶鏡，好多球隊都昅到實，有西班牙傳媒報道指，巴塞希望盡快同佢續約，率先出手留住呢位23歲新星。

據西班牙《每日體育報》7號嘅頭版頭條，「再畀多奧士文尼迪比利3年合約」大字標題，報道指巴塞已準備咗一份三年嘅合約，由2022年延長至2025年，目前只等待雙方喺價錢上達成協議。迪比利同巴塞嘅合約到2022年6月到期，巴塞希望佢可以喺歐國盃開波前有答案。

如果雙方在歐國盃前未能達成協議，巴塞將會將迪比利放入轉會市場，因為明年夏天佢就可以免費離開，而巴塞當初簽佢嘅轉會費係1.4億歐羅。迪比利近年嘅表現，已經引起好多球隊關注，家陣嘅形勢擺明係「你急我唔急」，巴塞當然想快啲留住呢位前鋒，否則被人搶走真係喊都無謂。