熱刺爆內亂!4球員與寸王決裂

2021年04月07日 23:01
東網電視
更多新聞短片
(Getty Images)
《串績王》新登場,最強博彩盤路過關神器:http://win.on.cc/football/ 
英國傳媒報道,熱刺上仗臨完場前被紐卡素逼和2比2,摩連奴賽後一句「同樣的教練,不同的球員」令矛盾激化,現時已有4名球員與寸王決裂,要等任何一方離開球隊,矛盾才可化解。
當日賽和紐卡素,傳媒訪問摩連奴,問佢以往擅長保住勝果但今季失靈,寸王回應:「同樣的教練,不同的球員」雖然係講事實,但卻傷害咗球員。英國《footballinsider》報道,個別球員對於摩連奴批評感到煩厭,引發不滿。
報道指,現時已有4名球員與寸王決裂,佢哋分別係迪利阿里、加里夫巴利、奧里亞及馬特杜靴迪,其中阿里同巴利都係星級球員,如果用得好對球隊有好大幫助,但佢兩個如果同寸王搞對抗,就唔係好事。
至於奧里亞同杜靴迪,其實呢兩位後衞今季都害熱刺失唔少分,能力有限,可惜佢哋唔接受寸王批評,仲玩決裂,寸王放棄佢哋都好正路。不過依家係熱刺爭前4重要關頭,下場聯賽火併曼聯,今個月尾仲有場英聯盃決賽對曼城,就算球隊有矛盾,寸王都應該暫時將佢哋壓住,踢好嚟緊幾場硬仗先講啦。