球王風範!麥巴比享受做「大賽殺手」

20210408
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
巴黎聖日耳門(PSG)喺歐聯打破拜仁慕尼黑不敗身,「新球王」基利安麥巴比演出技驚四座,佢今屆歐聯已入8球排射手榜次席,僅次於未來宿敵艾寧夏蘭特嘅10球,不過講到入球「含金量」,基利安麥巴比有6球係喺淘汰賽攻陷巴塞隆拿同拜仁慕尼黑兩大豪門,比起分組賽入6球嘅艾寧夏蘭特略「金」一籌。
基利安麥巴比雖然只係22歲,但佢喺歐聯淘汰賽已累積13球,超越亨利(12球)喺歐聯淘汰賽入球數字,就連世界盃決賽都入過波嘅麥巴比賽後坦言,愈係重要嘅比賽佢就愈享受:「就好似上一圈對巴塞隆拿嗰陣所講,我好享受呢啲大戰,或者唔係每一場都咁順利,但我肯定唔會逃避,我好鍾意喺呢啲大戰入面成為關鍵球員。」