C朗破羅馬里奧紀錄　戴巴拿再為祖記入波

《英超刨績王》加強版，最強數據一網打盡：http://win.on.cc/football/　

意甲周四（8日）凌晨有場補賽，C朗拿度同保羅戴巴拿喺上下半場各建一功，帶領祖雲達斯以2比1主場擊敗拿玻里，C朗嘅入球更超越了巴西名宿羅馬里奧嘅紀錄。

祖記袋走3分，喺意甲排名榜累計59分排名升到第三，而陣中嘅王牌巨星C朗雖然全場僅兩腳中龍，但就為球隊先打開紀錄，而這個入球係佢生涯第773個入波，超越咗羅馬里奧嘅772球紀錄，喺史上入球最多排名榜位列次席，目前僅距離已故捷克名將比簡嘅805球紀錄，只差32球，以C朗嘅狀態，相信好快可以破紀錄。同時，亦係呢位葡萄牙球星最近12個賽季11次聯賽入球達到25+，氣勢難擋。

至於今場另一個功臣保羅戴巴拿亦值得一提，佢以後備入替，係佢傷愈後首次出戰，時隔87天後再次出場更喺落場4分鐘就入波，難怪佢自己都開心都爆，而追溯佢最近一次入波，已經係3個月前。