致命打擊!蘇亞雷斯受傷至少抖3周

20210408
東網電視
更多新聞短片
《串績王》新登場,最強博彩盤路過關神器:http://win.on.cc/football/ 
西甲爭霸再起波瀾,苦苦掙扎力保榜首位置嘅馬德里體育會遭受致命打擊,王牌前鋒蘇亞雷斯周三(7日)練習受傷,球會證實佢左腳肌肉出現問題,據報呢位烏拉圭前鋒將要休息至少3個星期,馬體會季尾表現令人擔心。
今季曾經領先過12分嘅馬體會,上場輸畀西維爾之後榜首優勢只剩1分,球隊狀態滑落之餘更有主將受傷,馬體會證實蘇亞雷斯練習期間撞傷左腳肌肉,《馬卡報》消息指佢要抖至少3個星期,預料會缺陣4至5場聯賽,目標係5月9日作客巴塞隆拿嘅「王者戰」復出。
蘇亞雷斯今季西甲已入19球,係馬體會陣中首席射手,下周一(12日)凌晨作客貝迪斯嘅聯賽,佢同進攻中場馬高斯洛蘭迪本身都要停賽,好在祖奧菲歷斯同恩歷克卡拉斯高都已復操,令教練施蒙尼都有進攻球員可以調動。