唔使開刀　阿仙奴左閘只需抖6周

最強博彩盤路過關神器《串績王》：http://win.on.cc/football/　

阿仙奴左後衞基蘭泰亞尼上場英超對利物浦，整傷左腳膝部韌帶，一度傳出呢位23歲蘇格蘭國腳需要做手術，可能緣盡今季賽事。幸好最新消息指，基蘭泰亞尼唔使開刀，只需要休息6星期，就可以復出。

基蘭泰亞尼今季為阿仙奴喺各項賽事上陣33次，射入2球及3次助攻，其中英超大勝西布朗4比0，佢射入1球世界波，成為阿仙奴史上首位喺英超作客入波嘅蘇格蘭球員。

基蘭泰亞尼今次休戰6星期，將會錯過英超及歐霸盃多場比賽，對兵工廠而言，絕對係重大打擊。