各大豪門死心啦　阿古路想加盟熱刺

足球博彩神器，每日重心提供盡在《彩報》：http://win.on.cc/football/　

曼城前鋒阿古路已經落實今夏自由身離隊，早前傳出多間大球會有意簽入呢位32歲阿根廷國腳，包括曼聯、車路士、國際米蘭、巴黎聖日耳門。不過，英國《每日電訊報》爆料，指阿古路屬意加盟熱刺。

據悉，阿古路對於加盟熱刺，持開放態度，就算呢支倫敦球隊下季冇得踢歐聯，佢都唔介意。熱刺現時隊內有2位阿根廷球員，包括拉美拿、盧施素，阿古路加盟熱刺，有助佢適應新球隊。

不過，熱刺正前鋒位置上，哈利卡尼屬於必然正選，除非領隊摩連奴採用雙前鋒陣式，否則阿古路加盟之後，可能要屈居後備。