迪羅斯肺炎病情嚴重　被送入院

韓職開鑼，即上《韓職刨績王》：https://win.on.cc/football/league/kd1/index.html　

前意大利國腳迪羅斯早前確診新冠肺炎之後，情況比預期嚴重，需要入院接受治療。

37歲嘅迪羅斯曾經協助意大利奪得2006年世界盃冠軍，已於上年宣布退休，佢上月正式加入意大利國家隊擔任助教，但意軍喺出戰世界盃外圍賽期間，爆發疫情，中堅邦路斯及多位職員確診新冠肺炎，迪羅斯亦中招。

以往球員或者教練確診新冠肺炎，經過隔離後，多數可以痊愈，但迪羅斯今次需要入院，難免令人擔心，幸好佢目前病情尚算穩定，希望可以大步檻過啦。