連格公開翻生之謎　同間屋有關

最強博彩盤路過關神器《串績王》：http://win.on.cc/football/　

連格今年1月尾被曼聯外借去韋斯咸之後，表現大勇，頻頻入波同助攻，簡直判若兩人。呢位28歲英格蘭國腳近日接受傳媒訪問時，公開翻生之謎，原來同居住環境有關。

連格話：「我認為其中一個重要原因係環境，我喺曼徹斯特間屋，樓底比較矮，行入廚房更加係一片漆黑，就好似一個禁閉室，每星期都喺呢種環境生活，好似自閉咁，但搬到倫敦之後，我依家住嘅屋比較高，採光度非常好，可以睇到倫敦所有建築物，帶來光明，感覺好新鮮。同埋近幾年嘅經歷，令我更成熟，明白要承擔更大責任。」

根據連格言下之意，似乎暗示緊，如果曼聯想收番佢，就要安排間靚屋畀佢住，否則又會變番做「零格」。