名宿親自斟介　卡雲尼九成轉投小保加

足球博彩神器，每日重心提供盡在《彩報》：http://win.on.cc/football/　

英國傳媒指，現時擔任小保加副會長嘅列基美，親自出手幫助球會斟介曼聯前鋒卡雲尼，預料好大機會可以說服呢位34歲烏拉圭國腳今夏離開紅魔鬼，加盟小保加。

小保加想簽入卡雲尼，已經係公開嘅秘密，今次仲搵來名宿列基美幫手，真係誠意十足。列基美球員時代曾經協助小保加3次捧南美自由盃冠軍，亦效力過巴塞隆拿、維拉利爾，依家仲做埋小保加副會長，江湖地位份量十足，由佢親自處理，邀請卡雲尼加盟，成事機會非常高。

最關鍵係卡雲尼一直未適應英國生活，想返回南美搵食，小保加自然成為佢最佳選擇。