摩連奴出口術　暗示曼聯會獲12碼

日職開鑼，即上《日職刨績王》：https://win.on.cc/football/league/jleague/index.html　

熱刺將於周日(11日)晚英超主場迎戰曼聯，熱刺首循環以6比1大勝紅魔鬼，照計有助提升今場爭勝信心，但領隊摩連奴表示，呢種賽果絕對唔會發生第2次，並暗示曼聯可能會獲得12碼，令熱刺失分。

摩連奴指首循環對曼聯，因為對方前鋒安東尼馬迪爾被逐，先至出現反常賽果：「6比1並唔能夠反映現實，我更傾向再之前2場對曼聯嘅賽果做參考，我哋上季作客奧脫福，因為被判罰12碼，輸1比2，主場被逼和1比1，都係因為曼聯獲得12碼，呢種情況比較符合現實。」

摩連奴此言一出，既可以暗寸曼聯經常靠獲得12碼搶分，同時亦可以間接向球證施壓，唔好咁輕易畀曼聯12碼，真係一舉兩得。